::
有自家地方胡說八道的好處，就是可以肆無忌憚地大賣自己廣告。
無錯！i-city動畫DVD已有售，分為特別版與平裝版。特別版添了明信片及幕後花絮。
灣仔188、大眾書局、HMV可以找到。
如果有緣看過，請在這裏留個言，盡情宣泄！
意見將會被接受，態度可能會照舊，多謝多謝，哈哈！
20051103
第105章 ﹣ 廣告
::
有自家地方胡說八道的好處，就是可以肆無忌憚地大賣自己廣告。
無錯！i-city動畫DVD已有售，分為特別版與平裝版。特別版添了明信片及幕後花絮。
灣仔188、大眾書局、HMV可以找到。
如果有緣看過，請在這裏留個言，盡情宣泄！
意見將會被接受，態度可能會照舊，多謝多謝，哈哈！
Subscribe to:
Post Comments (Atom)
4 comments:
我有看呀淡水！因為知道那是一個跨媒介的大project就走去看，我已錯過了７Ａ的戲劇演出，所以電影節一定要去看看iCity呢！
雖然總括來說頗參差，但有好幾條片的某幾段戲我都很深刻的，那些場面總記得很清楚。
９條片之中我最喜歡《累透社》（最記得跳緊樓聽電話和最後死左都係要做野果場）、《饕餮》（勁鍾意）、《龍門大電車》（其實這個是比預期中差的，因為我在7A班的網頁看到《我城》戲劇演出的trailer係靚好多的，不過算啦。）和你的《Gentle Rain》（其實我鍾意隻歌多過條片啦，因為你Ｄ公仔好似我個fd 呀，不過都好看。）
頭幾條都玩自殺，有少少悶，又少少唔開心：點解香港就是逼到人地咁樣呢！
我也買了《i-城志》，因為覺得這是關於香港而且少有幾個媒體聯手搞的project, 所以支持0下，雖然最後我找不到三者的其通性（除了主題「香港」之外），但我也看得很開心，希望未來會再有這些創作呢！
感激！多謝！呢啲客套話唔少得！
你喜歡《Gentle Rain》？其實佢有大碟，叫《Music of Felines》，遲啲放個封面畀你睇！
你朋友公仔同我嘅似？可以八吓嗎？
全套嘢好多人睇完都覺得有啲灰，可能真係個排沙士完，又有大遊行，個市又差，空氣又唔好，無辦法啦！不過都算係紀錄咗個陣大家係香港嘅感覺。
共通性係有，又好似無，因為大家出發點係西西本《我城》，出發了，目的地就無人會管，所以出現呢個感覺，加上大家用嘅媒體好唔同，帶出嘅當然會有出入。
聽講好有可能未來再有得玩，不過一切言之尚早。我都係度期待緊！！
你會讓我聽聽那隻《Music of Felines》嗎？我喜歡聽唔同的音樂呢！
我朋友......我好耐冇見佢了，不知佢而家仲有沒有畫0野呢。
"不過都算係紀錄咗個陣大家係香港嘅感覺" 有分做真係值得開心呢！
我未睇西西的《我城》呀，所以講唔到了。
我覺得如果再有類似的活動要再搞好少少，我唔識點樣具體Ｄ講點樣好少少，就iCity來說，好似冇乜人知道是三個媒體一起出發說香港的故事呢，而且成件事完左好似完左就完左咁，可能迴響唔大0瓜，唔識講。
對唔住呀淡水，我講野同寫字都有障礙的，可是又在多多0野講和寫，好怕自己愈描愈黑。
有問題當然講出黎啦！我覺得你Ｄ回應好正面呀！唔黑呀！
作為其中一個參與嘅，當然想件事再好Ｄ，不論成個活動至到自己條片，一定有好多地方可以同需要改善。有時當局者迷，要大家幫吓手醒吓個腦㗎。
多嘢寫多嘢講證明你多嘢諗多留意身邊嘅一切，並且有感受，是好事。
還欠你《Music of Felines》......
Post a Comment